Seo ceacht bunaithe ar mhír ó Nuacht TG4 faoi bhosca teiripe atá in úsáid i meánscoil i gCiarraí. Díreofar ar scileanna cluastuisceana chomh maith leis an stór focal a bhaineann le meabhairshláinte. Baineann na cleachtaí scríofa leis an tuiseal ginideach uatha, agus leis an saibhreas teanga a bhaineann leis na céadfaí. Sna gníomhaíochtaí cumarsáide ag deireadh an cheachta, beidh na foghlaimeoirí ag plé na mbealaí ar féidir dul i ngleic le brú agus strus an tsaoil.