Sa cheacht seo, caithfidh muid spotsolas ar cheann de na tréithe is suntasaí den teanga labhartha – is é sin an bealach a bhfágann cainteoirí líofa fuaimeanna nó focail áirithe ar lár nuair a bhíonn siad ag labhairt go gasta. Sa cheacht seo, tarraingeoidh muid aird ar roinnt comhthéacsanna ina dtarlaíonn sé seo sa Ghaeilge agus beidh deis ag na foghlaimeoirí cleachtadh a dhéanamh ar na nósanna seo ina gcuid cainte féin.