Seo ceacht bunaithe ar mhír ó Nuacht TG4 faoin eagraíocht a thugann tacaíocht do theaghlaigh a thógann a gcuid leanaí le Gaeilge. Díreofar ar scileanna cluastuisceana chomh maith leis an stór focal a bhaineann le cur chun cinn na Gaeilge. Baineann na cleachtaí scríofa leis an aidiacht san uimhir iolra, agus le gnéithe de chanúint na Mumhan. Sna gníomhaíochtaí cumarsáide ag deireadh an cheachta, beidh na foghlaimeoirí ag plé na mbuntáistí agus na ndúshlán a bhaineann leis an dátheangachas agus leis an ilteangachas.