Seo ceacht bunaithe ar mhír ó Nuacht TG4 faoi Thionól Stormont ag teacht le chéile den chéad uair le dhá bhliain. Díreofar ar scileanna cluastuisceana chomh maith leis an stór focal a bhaineann le cúrsaí polaitíochta sa Tuaisceart.  Ina dhiaidh sin, beidh cleachtaí scríofa a bhaineann leis an gclaoninsint san aimsir chaite agus leis na réamhfhocail i, in, sa agus san. Sna gníomhaíochtaí cumarsáide ag deireadh an cheachta, beidh ar na foghlaimeoirí tuairisc a thabhairt ar cad a bhí ar siúl ag daoine eile.